Tel. +41 81 826 55 60

Bainvgnieu illa pratcha situeda i’l punct il pü ot d‘Europa!

A Segl Maria (Engiadin’Ota) in ün otezza da 1803 m.s.m., immez üna müravgliusa cuntredgia muntagnarda traunter la Bergiaglia, il Puschlev e l’Engiadina Bassa as rechatta la pratcha veterinaria da Segl. Que nu dependa scha’s tratta da chauns, giats u dad otras bes-chas da chesa, da chavals, da muaglia, bês-cha u da chevras – nus trattains, chürains ed ans occupains gugent da tuottas bes-chas chi’Ls staun a cour! Impü spordschains ün’agüd competent e sustegn effectiv in tuottas dumandas a reguard la prevenziun da malatias, il nudrimaint, il pevel e las dietas. Scu veterinari ufficiel regiunel pisseresch eau cha vegnan tgnidas aint las dispusiziuns da la ledscha tres sclarimaint, cussagliaziun ed execuziun a favur da la bes-cha e scu protecziun da l’umaun davart dans da la sandet tres ellas. Tar evenimaints cuntschaints i‘l sport da chavals sun eau d’inviern veterinari da la societed da chavals da cuorsa al «White Turf» ed eir preschaint al «Polo World Cup on Snow» scu veterinari ufficiel tar gös da polo pel Club da Polo San Murezzan sül lej dschiet da San Murezzan. Da sted sun eau scu veterinari sül lö respunsabel pel bainesser da las bes-chas sülla plazza da sagl al Concours a Zuoz ed eir al Concours da San Murezzan. Bain situos traunter Malögia e Silvaplauna, essans nus eir accessibels davent da Castasegna fin a Vicosoprano scu eir da San Murezzan, Schlarigna, Samedan, Puntraschigna, Bever e La Punt. La sandet da Lur bes-cha ans sto fich a cour.

unterschrift_toni

Dr. med. vet. Anton S. Milicevic

IN CAS D’URGENZA essans ragiundschibels düraunt 24 uras.

Tel. +41 81 826 55 60
Fax +41 81 826 61 49
info@vet-engadin.ch

petshop

Petshop

In nos pitschen petshop sto a disposiziun üna voluminusa spüerta giuvaröz dad’ota qualited per Lur bes-chas. Sch’ün prodot nun es avauntmaun pustains quel têl sainz’oter. Scha vossa cliantella ho dumandas, la dains gugent cussagl.

Uras d’avertüra: lü-ve: 1400 – 1800

Contact

Pratcha Veterinaria
Dr. med. vet. Anton S. Milicevic
Via dal Malögia 2
7514 Segl – Maria
Svizra

Tel. 081 826 55 60
Fax 081 826 61 49
info@vet-engadin.ch

Nus essans a Lur disposiziun tenor cunvegna telefonica:
lü – ve 07:00 – 12:00, 13:30 – 18:00
sa 7:00 – 12:00

IN CAS D’URGENZA essans ragiundschibels düraunt 24 uras.

It seems that you have not yet configured Google Map API key. To display advanced Google map, please set up API key in UABB - General Settings.