Tel. +41 81 826 55 60

Veterinari d’uffizi

Scu veterinari ufficiel da la regiun suottasto Anton Milicevic al veterinari ufficiel dal Chantun Grischun. I’l ram da sieu funcziun ufficiela es el surtuot respunsabel per las quatter bacharias da l’Engiadin’Ota e da la Bergiaglia. El survaglia e controlla cha’l transport da las bes-chas ed eir il mazzer svess saja cunfuorm a las cundiziuns da la ledscha. Impü es Anton Milicevic respunsabel pel scriver da tuot ils attestats per l’export e pels attests da sandet da tuot las bes-chas per la regiun da l’Engiadin’Ota e da la Bergiaglia. Quista fatschenda concerna surtuot il trafic sur cunfin da chavals da sport u da vacanzas u natürelmaing eir da tuot ils armaglieders u da bes-chas pitschnas. Impü es Anton Milicevic scha bsögn fo incumbenso tres l’uffizi per vivandas e per la sandet da tuottas bes-chas (ALT GR)da fer las controllas prümarias chi sun per exaimpel bsögnaivlas e necessarias tar denunzchas a reguard la protecziun da bes-chas. Schabain cha la lavur scu veterinari ufficiel da la regiun d‘Engiadin’Ota e da la Bergiaglia es ün‘ incumbensa speratiers, dvaintan las lavuors in quist connex vi e pü pü numerusas, perche cha las prescripziuns sun eir dvantedas adüna pü complexas i’ls ultims ans. Scha mê ch’d haun dumandas, nun esiter da’ns contacter! anton.milicevic@vet-engadin.ch